ကိုယ့်ရဲ့ ခန္ဓာကိုယ် အစိတ်အပိုင်းတစ်ခုခုကို ဝေဖန်နှိမ်ချသလို ပြောဆိုခံရတာမျိူးကို Body Shaming လို့ ခေါ်ပါတယ်။

“ဝလာလိုက်တာ၊ ပိန်နေတာမှ၊ ရုပ်ကလဲ၊ အမာရွတ်တွေနဲ့” စသလို ရုပ်နဲ့ ခန္ဓာကိုယ်ကို ဝေဖန်ပြောဆိုတာမျိူးအပြင် သူများနဲ့ နှိုင်းယှဉ်ပြီး “သူများတွေက လိုက်လို့ ဝတ်တာ၊ နင်နဲ့ လိုက်လို့လား” စသဖြင့် အပြောခံရတာတွေကလဲ Body Shaming တစ်မျိူးပါဘဲ။

Body Shaming ကနေ လူကို “ဒီလိုပုံဆို ဘယ်သူမှ ကြိုက်မှာ မဟုတ်ဘူး” “ဒီပုံနဲ့ အပြင်သွားရင် လူတွေက အထင်သေးလိမ့်မယ်” စသဖြင့် နောက်ဆက်တွဲ အတွေးတွေ ဝင်လာအောင်ပြောတာကလဲ အပြောခံရသူကို insecurity (စိတ်မလုံခြုံမှူ) ဖြစ်စေပါတယ်။

Body Shaming အလုပ်ခံရပြီး Positive Thinking (အကောင်းမြင်စိတ်) နဲ့ ကိုယ့်ကိုကိုယ် ပိုလှ၊ ပိုကျန်းမာအောင် နေနိုင်တဲ့ သူတွေအတွက်တော့ ဒါဟာ ပြဿနာကြီးကြီးမားမား မဖြစ်စေပါဘူး။

တချိူ့တွေအတွက်တော့ Body Shaming ကို ခံရပါများရင် မိမိကိုယ်ကို ယုံကြည်မှူ ထိခိုက်စေပြီး အမြဲ စိတ်ထဲမှာ ဝင်နေတာမျိူး၊ ပြောင်းလဲဖို့ အပြင်းအထန်ကြိုးစားလာတာမျိူးတွေ ဖြစ်တတ်ပါတယ်။ ဥပမာ - ဝတယ်လို့ အပြောခံရမှာကြောက်လို့ အပြင်းအထန် အစားလျှော့စားတာမျိူးတွေဟာ အသက်အန္တရာယ် ခြိမ်းခြောက်မှူထိပါ ဖြစ်စေပါတယ်။

Body Shaming အလုပ်ခံရရင် စိတ်မလုံခြုံမှူ မဖြစ်အောင် ဘယ်လို ကာကွယ်ကြမလဲ

🚩Self confidence ရှိပါ။ သူများပြောလို့ ကိုယ့်စိတ်ကို အထိခိုက်မခံဘဲ Self confidence (မိမိကိုယ်ကိုယုံကြည်မှူ) နဲ့ ရပ်တည်လို့ ရပါတယ်။ တကယ်လဲ စိတ်ထဲ အထိခိုက် မခံသင့်ပါဘူး။ ဘယ်သူမှ သဘောမကျတောင် ကိုယ့်ခန္ဓာကိုယ်ကို ကိုယ်သဘောကျပေး၊ ချစ်ပေးပါ။

🚩Body-positive ဖြစ်တဲ့သူတွေနဲ့ နေပါ။ သူများရဲ့ ခန္ဓာကိုယ် ဖြစ်တည်မှူကို မဝေဖန်တတ်တဲ့သူတွေ၊ ကိုယ့်ကိုကိုယ် အမြဲ appreciation ဖြစ်တဲ့သူတွေနဲ့ နေပေးပါ။ သူတို့နဲ့ စကားပြောရင်း ကိုယ့်ကိုကိုယ်လဲ အကောင်းမြင်တတ်လာသလို တခြားသူတွေကိုလဲ အကောင်းပိုပြောတတ်လာပါလိမ့်မယ်။

​🚩Body Shaming လုပ်တဲ့သူတွေနဲ့ ရင်ဆိုင်ပါ။ ကိုယ်ကိုတိုင်ရော သူများတွေကို Body Shaming လုပ်မိလား? ဘေးပတ်ဝန်းကျင်က မိသားစု၊ သူငယ်ချင်းတွေကရော ဘယ်လောက် လုပ်တတ်လဲ? ပြောတဲ့သူတွေကို သေချာနားလည်အောင် ရှင်းပြပြီး အသိပေးတတ်တာမျိူးလဲ လုပ်လို့ရပါတယ်။ သူတို့ မသိလို့ လုပ်မိတာမျိူးလဲ ဖြစ်နိုင်ပါတယ်။

🚩ကိုယ့်ခန္ဓာကိုယ်မှာ ကိုယ်ကြိုက်တဲ့ အရာလေးတွေကို ရှာဖွေပါ။ ဘယ်သူ့အကြိုက်မှ မဟုတ်ဘဲ ကိုယ့်ဆီမှာ ကိုယ်သဘောကျတာလေးတွေ ဘာရှိလဲ? ဥပမာ -ကြော်ငြာတွေမှာ သွားဖြူဖြူလေးတွေ၊ မျက်တောင်မွှေးရှည်ရှည်လေးတွေ ရှိအောင် ဘာလုပ်ရမလဲစတာလေးတွေ ကြော်ငြာတတ်ပါတယ်။ ကိုယ့်မှာရော မရှိသေးတာကို ကျော်မကြည့်ဘဲ ဘာလေးတွေ ရှိနှင့်ပြီလဲကို ကြည့်သင့်ပါတယ်။ ဆံပင်ပုံစံသစ်လေးလား? ရုပ်ပိုင်းဆိုင်ရာ ဖြစ်ဖြစ်၊ စိတ်ပိုင်းဆိုင်ရာဖြစ်ဖြစ် ကိုယ့်ကိုကိုယ် ဒါလေးရှိလို့ သဘောကျမိတာဆိုတဲ့ အချက်လေးတွေ ပြန်တွေးမိရင်း နေ့တိုင်း ပျော်လို့ရပါတယ်။

Body Shaming ကြောင့် ခံစားရတဲ့ စိတ်မလုံခြုံမှူ Insecurity အပြင် အခြားစိတ်ခံစားချက်ပြဿနာတွေအတွက် အကူအညီလိုအပ်ရင်လဲ mental heal မှာလဲ counseling services တွေရှိလို့ လာရောက်ပြီး ဆက်သွယ်မေးမြန်းလို့ရပါတယ်ရှင်။

Body Shaming ကြောင့် ခံစားနေရတာလေးတွေကနေ ရုန်းထွက်နိုင်ကြပါစေ။ 💙

#mental_heal

စိတ်ပိုင်းဆိုင်ရာ ရင့်ကျက်တဲ့သူတွေဟာ EQ (emotional intelligence quotient) မြင့်မားတဲ့သူတွေဖြစ်ပါတယ်။

သူတို့တွေမှာ စွန့်လွတ်ရဲတာ၊ သူများနေရာကနေ နားလည်ပေးတတ်တာ၊ ပေါင်းသင်းဆက်ဆံရေး ပြေပြစ်တာ၊ တစ်ခြားလူတွေက ဒေါသတကြီးဆက်ဆံလာတဲ့အခါ တည်ငြိမ်စွာ တုန့်ပြန်တတ်တာ စတဲ့အရည်အချင်းတွေကိုပါ တွေ့ရတတ်ပါတယ်။

EQ မြင့်တဲ့သူတွေမှာ တွေ့ရတတ်တဲ့ အရည်အချင်းတွေထဲက တစ်ခုဖြစ်တဲ့ “စိတ်ခံစားချက်တွေကို ထိန်းသိမ်းနိုင်စွမ်းရှိခြင်း” (ability to control emotions) ဆိုတာကို အဓိကထားပြီး ရေးသားသွားမှာပါ။

Emotion ဆိုတာ သာမန်ခံစားချက်မျိုးမဟုတ်ပဲ ပြင်းထန်တဲ့ခံစားချက် strong feeling ဖြစ်ပါတယ်။ လူတိုင်းမှာ ဖြစ်ပေါ်လေ့ရှိတတ်တဲ့အရာတစ်ခု ဖြစ်ပါတယ်။

တစ်စုံတစ်ယောက်က ကိုယ့်ရဲ့မာန၊ အတ္တကို ထိခိုက်လာတဲ့အခါ အရမ်းဒေါသထွက်တာ၊ အရမ်းဝမ်းနည်းတာမျိုး လူတိုင်းဖြစ်လေ့ရှိပါတယ်။ ငါ့ကိုတော့ အဲ့လိုလာမလုပ်နဲ့။ ငါက မဟုတ်ရင်မခံဘူးဆိုပြီး ထောင်းကနဲဒေါသထွက်တာ၊ တနုံ့နုံ့ခံစားရတာမျိုးတွေ ဖြစ်တတ်ပါတယ်။ အဲ့ဒီလိုမျိုးဖြစ်တဲ့အခါ ရင်ထဲမှာ ရှိတဲ့အတိုင်း ချက်ချင်းတုန့်ပြန်မိရာကနေ မလိုအပ်တဲ့ relationship ပြဿနာတွေဖြစ်ပေါ်စေတတ်ပါတယ်။

ကိုယ်က အရမ်း sensitive ဖြစ်လွန်းတာက ကိုယ့်ကိုချစ်တဲ့ အသိုက်အမြုံထဲမှာဆိုရင် ပြဿနာမရှိပေမယ့် အလုပ်ခွင်ထဲမှာ၊ အပြင်လောက ပေါင်းသင်းဆက်ဆံရေးမှာတော့ ထိန်းချုပ်သင့်တဲ့အရာဖြစ်ပါတယ်။

လူမှုဆက်ဆံရေးက အခက်ခဲဆုံးပညာရပ်တစ်ခုပါ။ လူတွေနဲ့ အမြဲအဆင်ပြေဖို့ဆိုတာ တကယ်မလွယ်တဲ့ ကိစ္စပါ။ ဒါပေမယ့် မဖြစ်မနေပေါင်းသင်းနေရမှာပါ။ တစ်ယောက်တည်း ခွဲထွက်နေလို့မှ အဆင်မပြေတာ။

ပေါင်းသင်းလာရပြီဆိုရင်လည်း အတတ်နိုင်ဆုံးအဆင်ပြေအောင် ကိုယ့်စိတ်ရိုင်းကို regulation လုပ်နိုင်မှုနဲ့ သည်းခံခွင့်လွှတ်မှုတွေက အတိုင်းအတာတစ်ခုထိလိုပါတယ်။

သည်းခံတယ် ဆိုတာက ဘယ်လိုမျိုးလဲ။

ဥပမာ လူတစ်ယောက်က ကိုယ့်ကို အပြစ်လာပြောတယ်၊ မဟုတ်တာတွေ စွပ်စွဲတယ်။ ဒေါသထွက်တာပေါ့။ ဒါပေမယ့် သူက မနေ့ကမှ စိတ်ကျန်းမာရေးဆေးရုံးက ဆင်းလာတာကို သိလိုက်ရတယ်။ ဒေါသမထွက်မိတော့တဲ့အပြင် သနားချင်သနားမိမယ်။ ဘာဖြစ်လို့လဲဆိုတော့ သူဘယ်လိုလူလဲဆိုတာ သိလိုက်လို့ပဲ။ တနုံ့နုံ့လည်း မခံစားရတော့ဘူး။

အဲ့တော့ ရင်ထဲမှာ ပူလောင်မှုမခံစားရစေတဲ့ သည်းခံခွင့်လွှတ်မှုမျိုး ရှိစေဖို့ လူတွေအကြောင်းကို ပိုသိဖို့ လိုပါတယ်။ လူတွေအကြောင်းကို သိတယ်ဆိုတာကိုက EQ ပါပဲ။ လူတစ်ယောက်ရဲ့ ခံစားချက်တွေကို နားလည်ခြင်းတစ်မျိုးပါပဲ။

ပိုသိလေ ပိုပြီးခွင့်လွှတ်နိုင်လေပါ။

ဒါ့ကြောင့် ကျွန်တော်တို့ လူ့အသိုင်းအဝိုင်းတွေ၊ ချစ်သူရည်းစားတွေ၊ မိသားစုတွေမှာ EQ မြင့်တဲ့သူတွေကို ပိုပြီးလိုအပ်ပါတယ်။

သည်းခံတာက အတိုင်းအတာ တစ်ခုထိပဲ ကောင်းပါတယ်။

တစ်ချို့လူတွေဟာ အရမ်းကို ရင့်ကျက်သလိုနေတတ်ကြပါတယ်။ သူ့ကို လာပြီးအပြစ်ပြောတာကို ဒေါသမထွက်ဘူး။ တော်တော်လေး သည်းခံတတ်ပါတယ်။ ဒါပေမယ့် နောက်ကွယ်မှာ ကိုယ့်ဒေါသတွေကို မနည်းထိန်းချုပ်လိုက်ရပြီး တနုံ့နုံ့နဲ့ခံစားနေရမယ်ဆိုရင်လည်း ဒါကလည်း စိတ်ကျန်းမာရေးအတွက် အန္တရာယ်တစ်ခုပါပဲ။ အတော်များများ ကြုံဖူးကြမှာပါ။ တစ်ချို့အရမ်းကို အပေါ်စီးကနေဖိပြီး ပြောတတ်တဲ့သူတွေရှိပါတယ်။ အမြဲတမ်းသူတို့ပြောတဲ့ စကားတွေက တစ်ဖက်သားကိုခနဲ့သလို၊ လှောင်သလိုမျိုးနဲ့။ သူတို့လိုမျိုးလူတွေနဲ့ တွေ့တဲ့အခါ သည်းခံပေးရတာတွေရှိတယ်။

တကယ်တော့ ကိုယ်က သည်းခံနားလည်တတ်လို့ မဟုတ်ပါဘူး။မဖြစ်သာလို့ ငြိမ်ခံလိုက်ရတဲ့သဘောပါ။ ဒီကိစ္စကိုပြောရတာ နည်းနည်းတော့ ရှုပ်ပါတယ်။ ကိုယ့်ဘက်က သည်းခံပေး၊ နားလည်ပေးပြန်တော့လည်း အမြဲတမ်းအနိုင်ယူချင်တဲ့သူတွေနဲ့လည်း ကြုံရပြန်တယ်။ Emotion တွေကို မျိုသိပ်ရတာများလာပြန်တော့လည်း depression တွေကဝင်ပြန်ပါတယ်။ မဟုတ်မခံပဲ ဘယ်သူဖြစ်ဖြစ် မကျေနပ်ရင်မကျေနပ်ဘူး ပြောပြန်တော့လည်း ကိုယ့်အတွက် ဒုက္ခတွေဖြစ်ရပြန်ပါတယ်။

မပြောရင်လည်းမဖြစ်၊ ပြောပြန်ရင်လည်း ကိုယ့်အမှားဖြစ်ရတဲ့ အခြေအနေမျိုးတွေကို ရင်ဆိုင်ရတဲ့အခါ မှန်ကန်ပြီး safe ဖြစ်တဲ့ တုန့်ပြန်မှုမျိုးကို လိုလာပြန်ပါတယ်။

တည်ငြိမ်စွာတုန့်ပြန်ပါ။

သားက အမေကို ပြန်အော်တာ၊ ရည်းစားတွေတစ်ယောက်နဲ့ တစ်ယောက် အော်ကြ ဆဲကြတာတွေကို မြင်ဖူး၊ ကြားဖူးမှာပါ။

တစ်ခါတစ်လေ လူတစ်ယောက် ကိုယ့်ကိုဘာမှမဟုတ်တာလေးနဲ့ စိတ်ဆိုးနေတာကို ကြုံဖူးမှာပါ။ တကယ်တော့ နောက်ကွယ်မှာ အကြောင်းအရင်းက ရှိပါတယ်။

ဘာကြောင့်လဲဆိုတော့ လူတစ်ယောက်က သူရဲ့ ခံစားချက်တွေကို ဖော်ပြပေမယ့် တစ်ဖက်က နားမလည်နိုင်တဲ့အခါ ဖြစ်ပေါ်သွားလေ့ရှိတဲ့အရာပါ။

ဒီလိုတွေမဖြစ်အောင် ကိုယ်တိုင်က ကိုယ့်ရဲ့ခံစားချက်တွေကို expression လုပ်တဲ့နေရာမှာ အရေးကြီးသလို ကိုယ့်အပေါ်သူတို့က တုန့်ပြန်လာတဲ့အခါမှာလည်း နားလည်တတ်ဖို့လိုပါတယ်။ ဒါ့ကြောင့်ကိုယ့်ဘေးမှာရှိတဲ့ သူတွေရဲ့ အကြောင်းကို သေချာသိဖို့ အရေးကြီးပါတယ်။ လိုအပ်ရင် တုန့်ပြန်မှုတွေလုပ်ဖို့ လိုပါတယ်။

Emotion တွေကို ထိန်းချုပ်လွန်းရင် အန္တရာယ်ဖြစ်စေတယ်ဆိုရင် မှန်ကန်တဲ့နည်းလမ်း၊ တည်ငြိမ်တဲ့ ပုံစံတွေနဲ့ တုန့်ပြန်ရပါတယ်။

ဒီမှာက အပိုင်းနှစ်ပိုင်းခွဲဖို့ လိုပါတယ်။

၁ - တုန့်ပြန်ရမယ့် သူတွေ လူမှန်သမျှ တစ်ခါတစ်ရံ ပေါက်ကွဲတတ်ကြပါတယ်။ အထူးသဖြင့် သူတို့နိုင်စားရာ နေရာမျိုးတွေမှာဆိုရင် ပိုပြီးဒေါသထွက်လွယ်ကြပါတယ်။ မနိုင်စားတဲ့နေရာတွေမှာဆိုရင် upset ဖြစ်တတ်ပါတယ်။ upset ဆိုတာက ဝမ်းနည်းဒေါသ ဖြစ်ပါတယ်။

ဘယ်လိုအခြေအနေမျိုးပဲ ဖြစ်ပါစေ အရင်းဆုံးဖြစ်ပေါ်လာတဲ့ ကိုယ့်ရဲ့emotion ကို အရင်ထိန်းသင့်ပါတယ်။ ပြီးမှ အတည်ငြိမ်ဆုံးပုံစံနဲ့ ထုတ်ဖော်ဖို့လိုပါတယ်။

ကိုယ့်အထက်လူကြီး၊ ဆရာ၊ မိဘ စတဲ့သူတွေကြောင့် ဖြစ်လာတဲ့ ဝမ်းနည်းမှု၊ နာကျည်းမှုတွေကြောင့် ပြန်အော်မိတာ၊ ခနဲ့မိတာမျိုးတွေ မဖြစ်အောင် ထိန်းဖို့လိုပါတယ်။ ဖြစ်နိုင်ရင် ချက်ချင်းမတုန့်ပြန်သေးပဲ အချိန်တစ်ခုယူပြီးမှ တစ်ဦးချင်းတွေ့တာက အကောင်းဆုံးပါ။ ကိုယ့်အထက်က လူတွေကို ဘယ်တော့မှ လူအများကြားမှာ ပြန်မပြောမိဖို့ လိုသလို ဘယ်တော့မှ သူတို့မှားကြောင်း သက်သေမပြမိပါစေနဲ့။

ကိုယ်နိုင်စားတဲ့ လူတွေကြောင့် ဖြစ်လာတဲ့ဒေါသတွေကိုလည်း သတိထားထိန်းသင့်ပြီး ဒေါသမပါပဲ တုန့်ပြန်နိုင်ဖို့က အရေးကြီးပါတယ်။

၂ - တုန့်ပြန်စရာမလိုတဲ့ သူတွေ ကိုယ့်ဘဝမှာ အရေးမပါတဲ့သူတွေ၊ facebook ပေါ်က အဆိုးမြင်တဲ့ comment တွေ၊ ဖြေရှင်းလေ ပိုဆိုးလေ လူစားမျိုးတွေက တုန့်ပြန်စရာ မလိုတဲ့ သူတွေပါ။

EQ မြင့်ဖို့ အရေးကြီးဆုံးက mindfulness နဲ့ awareness ဖြစ်ပါတယ်။

Mindfulness ဆိုတာက “သတိ”ပါ။ ဖြစ်ပေါ်လာတဲ့ စိတ်ခံစားချက်တွေကို အရင်ဆုံး သတိလေးထားဖို့ လိုပါတယ်။ ဒေါသထွက်ရင် ထွက်မှန်းသိတာ၊ မနာလိုဖြစ်ရင်ဖြစ်မှန်းသိတာ စတဲ့ စိတ်မှာဖြစ်နေသမျှကို သတိကပ်နိုင်ဖို့လိုပါတယ်။

Awareness ဆိုတာက “အသိ”ပါ။ လူတွေရဲ့ အကြောင်းတွေ၊ ပေါင်းသင်းဆက်ဆံရေး ကျင့်ဝတ်တွေကို သိခြင်းနဲ့ သူတစ်ပါးဘက်ကနေ ခံစားနားလည်ပေးနိုင်ခြင်းတွေပါ။

ကိုယ်တစ်ယောက်တည်းမဟုတ်ပဲ လူတိုင်းက ပေါင်းသင်းဆက်ဆံရေးနဲ့ပတ်သက်ပြီး mindfulness နဲ့ awareness ရှိရင် အလွန်ကောင်းမှာပါ။ ဝမ်းနည်းစရာကောင်းတာက လူတိုင်းမှာ ရှိမနေတာပါ။ ဒါ့ကြောင့် ဘယ်လိုလူကို ကိုယ့်ဘဝမှာ လက်ခံသင့်တယ်၊ ဘယ်လိုလူတွေနဲ့ ပေါင်းသင်းသင့်တယ်ဆိုတာကို ကိုယ်တိုင်ရွေးချယ်ဖို့ လိုပါတယ်။

ကိုရဲ

4/ 3/ 2023

ဒီကိုရောက်လာပြီဆိုတော့ ကယ် ပြောပါအုံး ဘယ်လိုအခက်ခဲတွေရှိခဲ့လဲ ကိုကြီးနဲ့ဖြစ်တဲ့ပြဿနာလား မောင်လေးနဲ့ဖြစ်တဲ့ပြဿနာလား ဒါမှမဟုတ် Oliva Rodrigoလို ဘီထ‌စ်ရော့ခံလိုက်ရတာလား Playခံလိုက်ရတာလား…ဟဲဟဲ မေးခွန်းတွေများသွားပြီ စိတ်မဆိုးနဲ့နော် ကြိုးကလေးကတော့ လူမျိုးဘာသာမရွေး အခြေအနေမရွေးအကြံညဏ်ပေးဖို့အသင့်ပါ ပုဂံနဲ့ ဧရာတတီ မကွေးနဲ့ ရန်ကုန်တို့လို့ တစ်နယ်မြေဆီခြားနေပါသလား? သူ/သူမက ကိုယ့်အပေါ် အချစ်စိတ်တွေလျော့လာပြီး အချစ်ဆိပ်တွေ ထုတ်လွှင့်နေပြီလား စိတ်မပူပါနဲ့ နည်းလမ်းတွေရှ်ိပါသေးတယ် နောင်ကြီးတို့ နှမတော်တို့ ပထမအချက်ကတော့ အမြဲတမ်း သူမနဲ့ပတ်သက်တာတွေကိုမမေ့‌မလျော့ရအောင်listလုပ်ထားပါ ခေါင်းထဲမှာ နှလုံးသားထဲမှာ မမှတ်ထားလို့ သူမက ရစ်အုံးမယ်လို့တွေးနေတာလား မပူပါနဲ့ အခုလို Technology ခေတ်ကြီးမှာDigital toolတွေက မှိုလိုပေါက်နေတာဘဲမဟုတ်လား Privacy ကိုသေချာထိန်းနိုင်တဲ့software လေးတွေ website လေးတွေံကိုသုံးပြီးသိမ်းထား ဉပမာ ကျွန်တော်တို့ “KYOE KALAY”ရဲ့ Warmly Home_ Website Diary‌ လေးမှာဖြစ်ဖြစ်ပေါ့။ကယ် အမြဲတမ်းမှတ်မိနေတယ် သတိရပေးတယ်ဆိုရင်တော့ သေချာပြီ သူ/သူမ ရင်ထဲမှာ 50%လောက် နေရာယူသွားပါပြီ ကယ် ဒီတစ်ခါတော့ နှစ်တစ်ထောင် FAတွေ အယ် စတာပါ မွေးထဲက ဖြူစင်ရိုးသားတဲ့ ဖိုးသခွား/မ လေးတွေအတွက် အကြံညဏ်ပါဗျို့ လူတစ်ယောက်ကို Crushနေတယ် ဒါမယ့် မဖွင့်ပြောရဲဘူး ဘယ်လိုလုပ်မလဲ? အမှန်တိုင်းပြောရရင် Voice readerက အတွေ့ကြုံ‌ရှိလို့ မျက်ရည်လေး ၂စက်နဲ့ပြောပြပါ့မယ် Friend Zoneထဲကနေ လွယ်လွယ် ရုန်းမထွက်ပါနဲ့ ဒါကတစ်ကယ့်အကြံညဏ်ကောင်းပါ မိန်းကလေးတစ်ယောက်အနေနဲ့ဆိုရင် သူမရဲ့အရင်းနှီးဆုံး အယုံကြည်ရဆုံးသူတစ်ယောက်က သူမကသူငယ်ချင်းလိုသတ်မှတ်ပြိး ပြောပြရင်ဖွင့်နေခဲ့တယ် ဒါကို အဲ့လူက သူ့ကိုဖွင့်ပြောလိုက်တဲ့အခါမှာ သူ့အနေနဲ့ ထိုသူ့အပေါ်အမြင်တွေစောင်းလာနိုင်ပါတယ် သူကလေ ငါ့ကို တစ်လျှောက်လုံး အဲ့လိုစိတ်ကြီးနဲ့လားဆိုပြီး အခြေအနေရုတ်တရင်ပြောင်းလဲတဲ့အခါမှာ တွေးတတ်ပါတယ်။ ဒါကြောင့် ကိုယ်နဲ့အနီဆုံးက သူတစ်ယောက်ကို သဘောကျမိနေပြီ ဖွင့်ပြောလည်းအဆင်မပြေလာမယ့် ဆက်ဆံရေးမျိုး ဆိုရင် သူမ/သူရဲ့ လက်တွဲဖော်မဟုတ်ဘဲ ထောက်ကူလေးအ‌နေနဲ့ဘဲ လိုအပ်နဲ့အချိန်မှာ ဖြူစင်တဲ့အချစ်စစ်နဲ့ကူညီပေးလိုက်ပါ အချစ်ဆိုတာ ပိုင်ဆိုင်ရမှ နီးနေရမှ ချစ်လို့ရတာမဟုတ်ပါဘူး ထိတွေ့ခွင့်မရှိလည်း မြင်ခွင့်မရှိလဲ ရင်ထဲကနေ မြတ်နိုးနေတတ်တာ တန်ဖိုးထားပေးတာကိုမှအချစ်လို့ခေါ်တာပါ လူလူချင်း အားလုံး ကျားမ အကန့်သတ်တွေမရှိဘဲ ချစ်ကြောင်းဖော်ပြလို့ရမယ့်တစ်နေမျ ကျွန်တော် “LGBT Love”ကိုပြောပြပါတော့မယ်

#helen_tv

တကယ့်အဖော်ကောင်းကို လိုချင်ရင် ပထမဆုံး ကိုယ့်ကိုယ်ကို အဖေါ်ကောင်း ဖြစ်အောင်လုပ်ပြီးနေနိုင်ဖို့လိုပါတယ်။ Extrernal companion ကို များများရှာတဲ့သူဟာ တယောက်တည်းနေရမှာကို မနေတတ်ဘူး။ မနေနိုင်တော့ဘူး။ တယောက်တည်း မနေနိုင်တဲ့သူဟာ ကိုယ့်စိတ်ထဲမှာ ဖြစ်တာကို ကြည့်ဖို့အခွင်အရေး နည်းသွားတယ်။ Self analysis အားနည်းလာတယ်။

Loneliness ကို temporarily relief လုပ်နေတဲ့သူဟာ ခိုင်မာရင့်ကျက်တဲ့ စိတ်ဓါတ်ကို မရနိုင်ဘူး။ ပြင်ပ relation တွေနောက်ပဲလိုက်နေတဲ့သူဟာ ကိုယ့် soul နဲ့ connectionလုပ်ဖို့ အချိန်မရှိတော့ဘူ။ loneliness ခဏတာ‌လေး ပျောက်သွားတယ်လို့ထင်ရပေမယ့် တကယ်တမ်းကိုယ်ဆုံရှုံးလိုက်တာက လေးနက်တဲ့ ဦးတည်ချက် ရည်မှန်းချက် ရင့်ကျက်တဲ့ စိတ်နေသဘောထားတွေကို လေ့ကျင့် ပြုစုပျိုးထောင်ဖို့ အခွင့်အရေးတွေပါ။ အဲဒါကိုယ်ပေးလိုက်ရတဲ့ cost ပဲ တန်ဖိုးပဲ။ ပြီးတော့ sense of direction ဆိုတဲ့ ကိုယ် ဘယ်ကိုဦးတည်ပြီး သွားနေသလဲ? ကိုယ့်ဘဝမှာ အရေးအကြီးဆုံး အလုပ်က ဘာလဲ? အဲဒါတွေလည်း မသိတော့ဘူး။ ဘာမှမရေရာတဲ့ လူစုလူဝေးထဲမှာပဲ ကိုယ်ပါ ပျောက်သွားတယ်။ ကိုယ့်ဘဝပါ ပျောက်သွားတယ်။

Loneliness ဆိုတာကို ကျော်လွန်နိုင်ဖို့ လွန်မြောက်နိုင်ဖို့ အရေးအကြီးဆုံးဖြစ်တဲ့ အလုပ်ဟာ ကိုယ့်စိတ်ထဲမှာ ရှိနေတဲ့ အရည်အသွေးတွေ၊ အရည်အချင်း တွေကို ထွက်ပေါ်လာအောင် တိုးတက်လာအောင် အားကောင်းလာအောင် ပြုစုပျိုးထောင်ဖို့ ဆိုတဲ့ အလုပ်ပါ။ အဖော်မဲ့နေတာကို ဖြေပျောက်ဖို့ စိတ်ကိုလမ်းလွှဲတဲ့နည်းတွေကလည်း အခုခေတ်မှာ ပိုပိုများလာပါတယ်။ ဟိုသွား ဒီသွား သွားဖို့နေရာတွေများလာသလို သူများကိုယ့်ကို သဘောကျအောင် အာရုံစိုက်အောင် လက်ခံအောင် ကျေနပ်အောင် လုပ်ကြကိုင်ကြတာလည်း ပိုများလာတယ်။ ကိုယ့်ကို သူများ အာရုံစိုက်တယ်ဆိုရင် ကိုယ့်ရဲ့ အဖေါ်မဲ့နေတဲ့ ခံစားမှု နည်းနည်းသက်သာသလို ခံစားရတယ်။ ဒါပေမဲ့ ဘယ်သူမဆို ကိုယ့်ကို အချိန်တိုင်း 100% ဘယ်လိုလုပ်အာရုံစိုက်နိုင်မှာလဲ။ Hollow ဖြစ်နေတဲ့သူတွေဟာ ချစ်တတ်ဖို့ရာအတွက် သူတို့မှာအခြေခံ မရှိဘူး။ သူတို့ဟာ loneliness ပျောက်ဖို့ပဲ ကြိုးစားနေရတယ်။

လူတွေကိုယ့်ကိုချစ်တာကို ကိုယ့်ဘဝမှာ တခုတည်းသော အရေးအကြီးဆုံးအချက်လို့ သဘောထားမယ်ဆိုရင် လူတွေ ငါ့ကိုချစ်အောင် ဘယ်လိုလုပ်ရမလဲဆိုတာပဲ တွေးနေတော့မှာ။ အဲဒီလိုလုပ်နေတဲ့သူတွေကို လူတွေက သိပ်မချစ်ဘူး။ အချစ်ခံချင်လို့ လိုက်လုပ်တဲ့သူတွေကို လူတွေက သိပ် အထင်မကြီးဘူး။ ချစ်လည်း သိပ်မချစ်ဘူး။ ဟန်လုပ်ပြီး ဆက်ဆံနေရတဲ့ လူ့အသိုင်းအဝိုင်းမှာ တကယ့်မိတ်ဆွေစစ်ဆိုတာလည်း ဘယ်မှာ ရှိနိုင်တော့မလဲ။

ကိုယ့်ကိုယ်ကို ချစ်တယ်၊ ကိုယ့်ကိုယ်ကို တန်ဖိုးထားတယ်၊ ကိုယ့်ဘဝကိုကိုယ် ကျေနပ်နေတယ်၊ ကိုယ့်မှာ စိတ်ဝင်စားစရာတွေ၊ လုပ်ချင်တာတွေ အများကြီးရှိတယ်၊၊ အဲဒါကို စိတ်ပါလက်ပါလုပ်ပြီး ခိုင်ခိုင်မာမာ ကိုယ့်ခြေထောက်ပေါ်ကိုယ် ရပ်တည်နိုင်တဲ့သူ ဖြစ်နေရင် ပတ်ဝန်းကျင်က အလိုလို ချစ်ခင်လေးစားတယ်။ အဲဒီလိုလူတွေဟာ ဆွဲဆောင်မှုလည်း ရှိတယ်။ လူတွေက အဲဒီလိုလူကို ပိုပြီး ချစ်ခင်တယ်။ အဲဒီလိုလူက လူတွေရဲ့ စိတ်ဝင်စားမှု၊ ချစ်ခင်မှုကို ဆွဲဆောင် နိုင်တဲ့သူ ဖြစ်သွားတယ်။ ကိုယ့်ကိုယ်ကို တန်ဖိုးထားတယ်၊ ချစ်တယ်ဆိုရင် အဲဒါ ကိုယ့်အမူအရာတွေမှာ ပေါ်နေပါတယ်။ ကိုယ့်စိတ် ခိုင်မာတာ၊ ကိုယ်လုပ်ချင်တာကို ပြတ်ပြတ်သားသား ထိထိရောက်ရောက် လုပ်နေတာကို မြင်တာနဲ့ လူတွေက ပိုပြီး တန်ဖိုးထားချင်စရာ ဖြစ်နေတယ်။ အားကိုးစရာ ဖြစ်နေတယ်။ အထီးကျန်မဖြစ်ချင်ရင် ဘာလုပ်ရမလဲဆိုတော့၊ ကိုယ့်ကိုယ်ကို ချစ်ပါ။ ကိုယ့်အလုပ်ကိုကိုယ် စိတ်ဝင်စားပါ။ လူတွေကို တန်းတူရည်တူ ဆက်ဆံပါ။ လူတွေကို စိတ်ဝင်စားပါ။ လူတွေကို မေတ္တာပေးပါ။ နားလည်မှု ပေးပါ။ သူ့အလိုအလျှောက်ပေးလာတဲ့ ချစ်ခင်မှုကို တန်ဖိုးထားပါ။

အဖော်မဲ့အထီးကျန်ဖြစ်ဖို့ရာ အရင်းခံအကြောင်းဟာ egocentric ဖြစ်လို့ပါ။ နောက်တနည်း ပြောရရင်တော့ pride ပါပဲ။ အတ္တသိပ်ကြီးသွားရင် selfish ဖြစ်လွန်းရင် အဖေါ်မဲ့သွားတယ်။ ငါက အောက်ကျနောက်ကျ ဖြစ်နေတယ်ဆိုတဲ့ ခံစားချက်ကြောင့် အဖော်မဲ့သလိုခံစားရသလို ငါက အထက်တန်းစားပါဆိုတဲ့စိတ် ဝင်နေရင်လည်း အဖော်မဲ့ဦးမှာပါဘဲ။ ဒီနှစ်ခုစလုံး မကောင်းပါဘူး။ လူမသိအောင် conceal လုပ်ရတာတွေ များရင်လည်း အဖော်မဲ့အထီးကျန်ဖြစ်တယ်။ ကိုယ်ကိုယ်တိုင်က transparent မဖြစ်ရင် ဘယ်သူမှကိုယ့်ကို စိတ်ရင်းနဲ့လာမပေါင်းတော့ဘူး။ တကယ်လို့ ကိုယ့်ဘဝမှာ အဖော်မဲ့အထီးကျန် ခံစားမှု ဖြစ်နေပြီဆိုရင် ကိုယ့်ကိုယ်ကို သေသေချာချာပြန်သုံးသပ်ပါ။ ငါ့မှာဒီလို ခံစားချက် ရှိတယ်ဆိုတာ aware ဖြစ်ဖို့က အရေးကြီးတယ်။

အခုခေတ်မှာ နေရာတိုင်းမှာ distraction အရမ်းများကြပါတယ်။ ကိုယ့်ပူပင်သောကနဲ့ကိုယ် စိတ်မအားကြလို့ ကိုယ့်ကိုကိုယ်တောင် self-centered မလုပ်နိုင်ကြတာ သူများစိတ်ထဲမှာ ဘယ်လိုခံစားနေရမလဲ ဆိုတာ သေသေချာချာ အာရုံစိုက်ပြီးတော့ မစဉ်းစားနိုင်ကြတော့တာမထူးဆန်းပါဘူး။ အဲဒီလို မစဉ်းစားနိုင်ကြရင် society တစ်ခုလုံးတယောက်ကိုတယောက် နားလည်မှုနည်းသွားပြီးတော့ အားလုံးပဲ အထီးကျန် ဖြစ်တဲ့ ခံစားမှုကို ခံစားလာရမှာပါ။

ကိုယ်မြင်နေရတဲ့ လောကကြီးဟာ ကိုယ့်စိတ်ရဲ့ reflection ပါပဲ။ ကိုယ့် world ကို‌တောင် မထိန်းသိမ်းတဲ့သူ တန်ဖိုးမထားတဲ့သူဟာ ဘယ်သူလဲဆိုတော့ empty , lonely ဖြစ်နေတဲ့သူတွေပါ။ Community ကို ထိန်းသိမ်းနေတဲ့သူများလာအောင် ဘယ်လိုလုပ်ရမလဲဆိုတော့ လူများစုဟာ သူတို့ဘဝကိုသူတို့ ကျေနပ်မှုရအောင် တန်ဖိုးရှိလာအောင် ဘယ်လိုလုပ်ရမလဲ ဆိုတာက စ စဉ်းစားရတယ်။ ကိုယ့်ကိုယ်ကို ကိုယ်မှ မထိန်းသိမ်းဘူး၊ တန်ဖိုးမထားတော့ဘူးဆိုရင် ကိုယ်နေတဲ့ လောကကြီးကို ထိန်းသိမ်းမှာ၊တန်ဖိုးထားမှာ မဟုတ်တော့ဘူး။ ထိန်းသိမ်းဖို့ စိတ်မကူးနိုင်ဘူး။ အေးချမ်းနေတဲ့သူဟာ ဘယ်သူ့ကိုမှ ဒုက္ခမပေးဘူး။ ကိုယ့်ဘဝကိုကိုယ် ကျေနပ်တဲ့သူဟာ အများကို ဒုက္ခ မပေးဘူး။

လူတွေဟာ လူတွေကြားမှာနေပြီး အဖော်မဲ့အထီးကျန် ပိုဖြစ်လာတယ်။ အပျော်အပါးတွေလည်း အခုခေတ်မှာ ပိုများလာတယ်။ အပျော်အပါး များသလောက် အဖေါ်လည်း ပိုပြီးမဲ့လာတယ်။ လူမရှိလို့၊ ကိုယ့်အနားမှာ ဘယ်သူမှမရှိလို့ အထီးကျန်ဖြစ်တာ မဟုတ်ဘူး။ ကိုယ့်အနားမှာ လူတွေအများကြီး ရှိနေပေမဲ့လည်း ကိုယ်ဟာ တကိုယ်တည်း အထီးကျန် အဖေါ်မဲ့ ဖြစ်နေတယ်။

Lonely ဆိုတာ အဖေါ်မဲ့လို့ အားငယ်သွားတာကို ပြောတာ။ alone ဆိုတာ သူ့ဟာသူ အဖေါ်မရှာပဲနဲ့ တကိုယ်တည်း နေတာကိုပြောတာ။ အားငယ်တာ မဟုတ်ဘူးနော်။

“I am alone, but I’m not lonely”

ငါ တကိုယ်တည်း နေတယ်။ ဒါပေမဲ့ ငါ့မှာ အဖေါ်လိုချင်တဲ့စိတ် မရှိဘူး။ အဖေါ်မရှာဘူး။ အဖေါ်မရှိလို့ အားငယ်တဲ့စိတ်လည်း မရှိဘူး။ အဲဒီလို နေနိုင်ရင် မြို့ထဲမှာဘဲနေနေ၊ တောထဲမှာဘဲနေနေ ကောင်းပါတယ်။ အဲသလို ရင့်ရင့်ကျက်ကျက်၊ ခိုင်ခိုင်မာမာ တကိုယ်တည်း နေနိုင်အောင် ကြိုးစားကြပါ။

(ဖတ်ဖူးထားတဲ့ ဆရာတော်ဦးဇောတိကစာကို အနည်းငယ်ပြုပြင်၍ ပြန်လည်ရေးသားပါတယ်ရှင့်🙏)

#DrThinnie #LifeTherapist #loneliness

ကြောက်စိတ်ဆိုတာ emotional status တစ်ခုပါ။ ကိုယ့်ရဲ့ inner mind ကလာတာဖြစ်တဲ့အတွက် ကိုယ်တိုင်တိုက်ထုတ်မှ ဖြစ်မှာပါ။ ဘယ်သူကမှ ကူညီလို့မရဘူး။ ကြောက်စိတ်ကြောင့် ကောင်းတာတစ်ခုကတော့ အန္တရာယ်ရှိတာတွေမလုပ်ဖြစ်တော့ဘူးပေါ့ (ဥပမာ - ဓာတ်လိုက်မှာကြောက်လို့ ဓာတ်ကြိုးတွေလျှောက်မကိုင်တာမျိုး)။ ဒါပေမယ့် အများစုက ကြောက်စိတ်ရဲ့ negative effect ကိုပဲခံစားနေကြရပါတယ်။ ကြောက်စိတ် ဖြစ်လာရင် နေရင်းထိုင်ရင်း body ရော mental ရော contract ဖြစ်လာမယ်။ ကိုယ့်ရဲ့ opportunity တွေဆုံးရှုံးလာမယ်။ အဲ့ကနေတဆင့် အဆိုးဆုံး depression ရတာမျိုးတွေဖြစ်လာမယ်။

ဘာလို့ပါလဲ???

ကြောက်စိတ်ကို မကောင်းတဲ့ စိတ်ခံစားမှုလို့ပဲတွေးထင်နေကြလို့ပါ။ အာ့ဆို ကြောက်စိတ်ကို ကောင်းတဲ့ဘက်ကမြင်အောင် မိတ်ဆွေဖြစ်အောင်ဘယ်လိုလုပ်ကြမလဲ???

🍀 2-3 မိနစ်လောက် ကိုယ့်ရဲ့ကြောက်စိတ်ကို မြင်အောင်ကြည့်ကြည့်ပါ။ ဖြစ်နိုင်ရင် အနှောက်အယှက်သိပ်မရှိတဲ့နေရာတစ်ခုမှာ breathing exercise (အလွယ်ဆုံးကတော့ ဝင်လေထွက်လေမှတ်တာပါ) ကို 2-3 လောက်လုပ်ပြီး ကြောက်စိတ်ကိုလျော့အောင်လုပ်နိုင်ပါတယ်။

🍀ကိုယ့်ဘဝမှာကျေးဇူးတင်ရမယ့်အရာတွေကိုချရေးပါ။ ဥပမာ - ဒီနေ့ထမင်းစားရတာ ထမင်းချက်ကျွေးတဲ့အမေရှိလို့၊ ခုထိအလုပ်ရှိနေသေးတာ၊ စသဖြင့်ပေါ့နော်

🍀ကိုယ့်ရဲ့ကြောက်စိတ်ဆီကိုစာတစ်စောင်ရေးပါ။ ချစ်ရပါသောကြောက်စိတ်ရေ.. ငါ့ဆီကိုအလည်လာလို့ကျေးဇူးတင်ပါတယ်.. ခုကစပြီး နင်နဲ့ငါသူငယ်ချင်း လုပ်ကြရအောင်ဟယ်… နင်ဆီကဘငါအများကြီး သင်ယူခွင့်ရခဲ့ပါတယ်။

🍀 ၅ - ၁၀မိနစ်ခန့်လေ့ကျင့်ခန်းလုပ်ပါ သို့ အကြိုက်ဆုံးသီချင်းတစ်ပုဒ်ဖွင့်ပြီး စိတ်လွတ်ကိုယ်လွတ်ကပါ။

🍀 ကြောက်စိတ်ကို ဟာသအဖြစ်ပြောင်းပြီးစဉ်းစားကြည့်ပါ။ ကိုယ်က crush ကိုစကားပြောဖို့ကြောက်နေတာမျိုးဆို သူရှေ့မှာ ဘယ်လိုကို့ရို့ကားယားဖြစ်နေမယ်ဆိုတာမျိုးကို ဟာသဗွီဒီယိုတစ်ခုအနေနဲ့မြင်ကြည့်ပါ။

🍀ကိုယ့်ရဲ့သတ္တိရှိတဲ့စိတ်ကို ကျေးဇူးတင်ပါ။ ကြောက်စိတ်တစ်ခုဖြစ်လာတိုင်း အရင်တုန်းကကျော်လွှားခဲ့ဖူးတဲ့ အခက်အခဲတွေမှာ ဖြစ်ခဲ့တဲ့ကိုယ့်ရဲ့စိတ်ကို ပြန်ခံစားပြီးကျေးဇူးတင်ပါ။

မှတ်ထားဖို့က ကြောက်စိတ်ဆိုတာ ခံစားချက်ဖြစ်တဲ့အတွက် ကိုယ့်ဆီခဏခဏလာမှာပဲ။ မလာနဲ့လို့တားလို့မရပါဘူး။ သူရောက်လာတိုင်း ရှောင်ပြေးဖို့မကြိုးစားဘဲ အပေါ်က အချက်တွေကိုထပ်ခါထပ်ခါ လေ့ကျင့်ပြီး သူနဲ့ မိတ်ဆွေဖြစ်နိုင်အောင်ကြိုးစားကြည့်ပါ။

🍄 Don’t listen to the negativity; Be your own best friend.🍄

ချစ်ခြင်းများစွာဖြင့် 💕 #DrThinnie #LifeTherapist #Fear